عطر بصعبيه و هي بتحاول تاخد منه التلفون ، بس وليد مد ايديه لصديقه بالتلفون بعيده عنها اتكلمت عطر بغضب
: أنت عبيط يلا هات التلفون وقف قدامها بدهشه و شاور على نفسه بايديه ، و اتكلم بسخرية
: يلا دي هبت منك خالص يا بنت سليمان عطر بسخرية اكبر
: اما انت عارف اني بنت سليمان بيه بتيجي على سكتي ليه اتقي شري و هات التلفون احسنلك
وليد قعد على المسند و مسك التلفون في ايديه ببرود و بصلها و قال
: لا مش هدهولك غير اما اعرف كنتي بتعملي ايه و لا خايفه اعرف هوا مين حد معانا في الفصل دا و لا من فصل تاني عطر هزت راسها ببرود
: اهااا قولتلي طب يا شبح هات التلفون و ميخصكش بعمل ايه على التلفون تاج كانت متابعه اللي بيحصل قامت من مكانها قربت عليها ، و اتكلمت
: هتجيب التلفون و لا افرج عليك المدرسه كلها
وليد حط التلفون في جيب بنطال اليونيفورم ، و وقف قدامهم و وراه اتنين من صحابه ، و اتكلم بسخرية
: جيبي اللي عندك روحي أنتي و اختك اشتكيني لـ المدير تاج بابتسامة شيطانيه
: تؤ المدير دا لـ الطلبه اللي مبتعرفش تاخد حقها اما انا باخد حقي بنفسي خلصت كلامها و اتصدم بـ بوكس.. قوي في وشه وقع على أثره على الارض ،
الطلبه طلعت تلفوناتها و بقيت تصور و هما متفجأين من تاج
اصحابه اتصدمه و قبل ما ايديهم تلمـ.. سها كانت عطر صدت لواحد فيهم ضربه ، و تاج قلبت التالت على ضهره على الارض
قام وليد من على الارض و هوا بصصلها بكره ، و راح عندها يضـ.. ربها كانت عطر اسرع منه و ضـ.. ـربته في بطنه برجليها وقع على الارض يتأوه بألم
دخلت الميس بتاعتهم و اتكلمت بزعيق
: أنتوا بتصوره ايه كل واحد فيكم يقفل تلفونه و أنتي يا عطر انتي و اختك تعاله ورايا على مكتب المدير و انتوا كمان ورايا عطر ميلت على وليد اللي بصصلهم بكره.. و بيتألم و اخدت تلفونها منه و خرجت مع الميس
في المستشفى
نور كانت حالتها اتحسنت و شاله جهاز التنفس
كانت نايمه بمعمق و سليمان نايم على الكرسي جنب السرير بعد ما أسر انه يفضل جنبها طول الليل و فرقان نايمه على الكنبة
صحيوا على صوت خبط الباب ، نور بصيت لـ والدها و هي بتفوق و اتصدمت انه قاعد جنبها و زعلت من نفسها على اللي عملته فيه
فرقان قعدت على الكنبة و حطيت ايديها على رأسه تتاكد ان الطرحه مظبوطه
سليمان اتعدل على الكرسي و حاول ينظم صوته
: ادخل
دخل رعد و اتكلم بهدوء
: صباح الخير يا سليمان بيه سليمان قام من مكانه و هوا حاسس بارتباك شديد ، و اتكلم بجدية
: يسعد صباحك يا سعادة البيه اتفضل رعد بص لـ نور و اتكلم بجمود
: انا مش جاي اتفضل انا هنا في مهمه رسميه الانسه نور مطلوب القبض عليه في تهمت خـ.. طف دكتور عاصف نور مسكت في ايد سليمان برعب حقيقي ، و اتكلمت بخوف
: بابا دا كدب متصدقش انا مخطـ.. فتش حد
سليمان حاوط ايديها بين ايديه بطمئنان و اتكلم
: انا بنتي معملتش حاجه من دي و الدكتور دا كداب و بيتبله عليها رعد
: اما هوا كداب تقدر تقولي ايه اللي خلاك تحاول تقـ.. تلها امبارح
سليمان بهدوء منافي خوفه و توتره
: مين قال كدا و هوا في أب يقتـ.. ل بنته اللي جبلك المعلومه جبهالك غلط لانها لسه عايشه لحد دلوقتي بنتي تعبت من الاتهام اللي اتهمته ليها امبارح و مستحملتش شكي فيها و تعبت و هي هنا لحد اما ضغطها يتبط و تقدر تسأل الدكاترة برضو
و كلمت نوح الجبالي و انكر انه يعرف دكتور عاصف و قال برضو انه عمره ما شافه و طلب اننا نفض العداوه اللي بين العالتين و احنا وافقنا و تقدر تروح و تسمع منه برضو
رعد
: طب بعد اذنك يا سليمان بيه عايز الانسه في كلمتين سليمان بصله بهدوء
: معنديش مانع بس في وجودي فرقان ادخلت بهدوء
: ممكن استأذن حضرتك تجيلها وقت تاني لان زي ما حضرتك شايف هي تعبانه و بعدين عنها اي ضغط و كلامك معاها هيتعبها اكتر رعد بجدية
: متقلقيش يا مدام مش هاخد من وقتها خمس دقايق
تقدري تقوليلي ليه يا أنسه نور دكتور عاصف يتهمك اتهام زي دا نور برتباك و خوف شديد
: معرفش
رعد كمل اسألته بهدوء
: اشمعنى نوح الجبالي بالذات اللي اتهمه ليه مقالش اي اسم تاني مثلا سألم ابن عمته او حيدر نور بارتباك اشد
: معرفش هوا عمل كدا ليه و لا اعرف حد من عيلة الجبالي عمري ما شوفت حد فيهم رعد بص لسليمان ، و اتكلم
: انا لحد دلوقتي مفتحتش محضر رسمي هستنى لحد اما الدكتوره تخرج من المستشفى و انا هعرف وقتها الدكتوره كانت فين
خلص كلامه و استأذن و خرج اتنفس سليمان براحه و بص لنور بجمود سحبت ايديها منه بتردد ، تلفون فرقان رن اخدته من على الكنبة و هي مستغربه لانها صديقتها من ايام الثانوي
دخلت البلكونة و رديت على التليفون نور بصيتله بدموع
: بابا و الله ما اعرف اي حاجه من اللي الظابط بيقولها انا امبارح طول اليوم كله كنت في الجامعه و بعديها روحت البيت و مخرجتش منه خالص دخلت فرقان و اتكلمت بلهفه
: سليمان مدرسة قمر بترن عليا تقولي ان حصلت مشكله كبيره في المدرسه و لازم تكون موجود قبل ما يبلغه الشرطه
سليمان بصلها بذهول و خرج من الغرفه جريت وراه فرقان خرجه من المستشفى فرقان
: انا اللي هسوق عشان دراعك ركب سليمان جنبها و انطلقت فرقان بالعربية ، كانت ملامحه مشدوده و عروق ايديه ظاهره بوضوح خافت من شكله و بصيت على الطريق
وصلوا المدرسه و دخله مكتب المدير ، كانت عطر و تاج واقفين على جنب و وراهم وليد و اصدقائه و والد واحد منهم موجود فرقان قربت عليهم بلهفه مسكوا فيها هما الاتنين بخوف من غضب سليمان
اتكلمت فرقان بلهفه
: ايه اللي حصل انتوا كويسين
سهير قامت وقفت من على الكرسي ، و اتكلمت بعصبيه
: كويسين أنتي مش شيفاهم احب اقولك يا مدام انك معرفتيش تربي بناتك شوفتي عمله ايه في ابني فرقان بصيت على التلت شباب ، و اتكلمت بهدوء
: ممكن تهدي اعرف ايه اللي حصل الاول و بعديها ارد عليكي المدير
: الهدوء يا هوانم الهدوء اتفضل يا سليمان بيه اقعد انت و المدام سليمان قعد على كرسي مقابل والي أمر واحد من التلاته ، كمل المدير كلامه
: دلوقتي الانسه تاج و الانسه عطر ضـ.. ربه زميلهم في الفصل
سليمان بص على بناته اللي واقفين بصين في الارض، و اتكلم بجدية
: ليه ايه السبب اللي خلى بناتي تعمل كدا المدير
: الانسه عطر بتقول ان زميلها خلاها معديه في الفصل و اخد منها التلفون و اختها ادخلت و ضر.. بوهم انا موجود حصل اي حاجه يجوه يشتكه هنا و انا هجبلهم حقهم مش يضـ.. ربه احنا مدرسه محترمه سليمان بص لـ بناته و اتكلم
: اتأسفه حالاً بصتله تاج و الدموع متجمعه في عينيهة بصدمه و قبل ما تتكلم شاورلها سليمان بالسكوت ، نزلت وشها الارض و اتكلمه هما الاتنين في نفس واحد
: انا اسفه
سهير بعصبيه و غضب
: بس كدا طب و ابني اللي دراعه اتكـ.. سر تخلص بأسف انا مش قبله الاعتذار و هخرج من هنا على القسم اقدم بلاغ فرقان وقفت قدامها و وراهم تاج و عطر ، و اتكلمت بنفس عصبيتها
: والله يا مدام ابنك هوا اللي مش متربي اما يعاكس بنت يبقي سوري معرفتيش تربيه و لو بناتي مكنوش ضـ.. ربه كنت انا اللي هاجي اضـ.. ربه بنفسي ادام حضرتك مش فاضيه تربيه لو عايزة تروحي القسم انا معاكي و هعمل محضر و شكلك متعلمه يعني عارفه محضر التحـ.. رش عقبته كام سنه سجن
سهير بعضب اشد
: أنتي بتهـ.. دديني أنا مش هسكت و حق ابني هجيبه يبقي ولادك غلطنين و تبجـ حي فيا صحيح ناقصه ربايه سليمان وقف قدامه ، و اتكلم بصوت جمهوري
: كلمه كمان و هنسى انك حرمه و هوريكي مقامك بنك اللي غلطان و اوعي تكوني فاكره انها خلصت على كدا انا رجعتلك حق ابنك لما بناتي أتاسفه لسه بقا حق بناتي مجبتهوش من ابنك و صحابه
بص لـ المدير ، و اتكلم بحد
: يقفه قدام المدرسه كلها في طابور الصبح و يقلعه الجزمه و يتلبه عشان يكونوا عبره لكل الطلاب يا اما اخدها مسأله عائليه و تقوم حرب بين التلت عائلات المدير بخوف شديد
: اللي تشوفه يا سليمان بيه اتفضلوا يا ولاد ارجع الحصص بتاعتكم في منزل عائلة الجبالي
اتجمع البيت كلوا على صوت صريخها اللي هز كل اركان المنزل و
يتبع…..
#الكاتبة_حبيبه_الشاهد
#الفرار_من_الحب #الفصل_الحادي_عشر
#الفرار_من_الحب
البيت كله اتجمع على صوت صريخها اللي هز كل اركان المنزل ، جري نوح خرج من غرفته كان الصريخ جاي من غرفة غفران ، دخل بسرعه و رعب حقيقي
كانت قاعده على السرير و بصرخ بكل قوتها و فهيمه جنبها مش عارفه تهديها و هي بتبكي نوح برعب حقيقي
: في ايه مالكم بتصرخه ليه غفران بصتله و بعيونها الحمراء من فرط بكائها ، اتكلمت ببكاء
: نوح.. تعالى يا نوح وديني عند يوسف سالم بيقولي انسيه انساه ازاي دا ابني حتى مني خليني اروح اشوفه ابني هيعيش مش هيـ.. موت.. أنت هتتلاقي متبرع و هيعيش صدقني
نوح كور ايديه و هوا بيتحكم في دموعه انها متنزلش قدام حد..
و قلبه بيتقطع على حالتها غضبه بيزيد من سالم
راح عندها و قعد جنبها على السرير ، و اتكلم بنبرة صوت مخنوقه
: هيعيش إن شاءلله هقلب العالم كله علشانه بس أنتي بطلي عياط حضنته غفران و انهارت في البكاء في حضنه ، ضمها نوح بحنيه و بص على سالم بنظرات قا..تله و هوا بيتوعدله بالهلاك
فهيمه مشيت ايديها على دراعها بحنيه و دموع
: اهدي بقا حرام عليكي اللي بتعمليه في نفسك و فينا انا تعبانه لوحدي و مش حمل اي حاجه من اللي بتعمليها دي امال لو مكنتيش عارفه ربنا و حافظة كتابه كنتي عملتي فينا ايه عوالي بدموع و حزن
: لا حول و لاقوة الابالله العلي العظيم هي برضو قلبها وجعها على ضناها ربنا هوا اللي يعلم باللي جوايا بس ما باليد حيله بصلي و بدعيله ربنا يقومه بالسلامه
غفران بشهقات
: أنت هتوديني عند يوسف المستشفى لو صحي متلاقنيش جنبه هيعيط و هوا تعبان نوح ضمها لحضنه بوجع ، و اتكلم بوجع
: هوديكي عنده بس الاول تهدي و متعيطيش خلي حد ينزل يجبلها اي كل من تحت و عصير عوالي بدموع
: انا هنزل اجبلها لقمه تاكلها و تسند قلبها نوح لـ فهيمه بقلق
: ايه اللي حصل خلاها بالشكل دا فهيمه بقهر كبير
: معرفش انا سبتها بس خمس دقايق اتوضى و اصلي فيهم و حتى ملحقتش اصلي و سمعت صوت صوتها جيت جري لاقيتها في الحاله دي
نوح بص على سالم الواقف قدامه بغضب
: انت السبب اللي خلى اختي في الحاله دي اخرج من هنا تروح على بتكم و مشوفش وشك لحد اما اشوف هعمل ايه صالح قعد على طرف السرير بتعب ، و اتكلم
: ميصحش اللي بتعمله دا يا نوح سالم جوز اختك و ابن عمتك و البيت بيته غفران خرجت وشها من حضن نوح و بصيت لـ سالم ، و اتكلمت
: سالم هتوديني اشوف يوسف
سالم غمض عينيه بضيق مكتوم ، و اتكلم بهدوء
: اه هوديكي كلي الاول و اهدي كل اللي بتعمليه دا ملهوش فايده و مش هيعمل حاجه انتي بتتعبي نفسك على الفاضي و هوا كدا كدا ميـ.. ت ارضي باللي ربنا قسمه ليكي و اتقبلي الواقع لانه مش هيتغير خبت وشها في نوح و بكائها زاد بوجع.. و حزن و هي بتدعي انه يقوم بالسلامه
صالح خبط العصايه في الارض و هوا بيتحكم في غضبه بس مقدرش ، اتكلم بحدا و غضب
: جرا ايه يا سالم انا سكتلك من امبارح و مش راضي اتكلم عشان الوضع اللي أنت فيه
بس ادام مش فارق معاك ابنك و لا مراتك يبقي تتقل على الله و تمشي تروح بيتك
و بنتي هنا مش هتمشي معاك في حتا و سبنى بمصبتنا انا مليش غير بنتي و مش عايز اخصرها حتى لو هخصر العالم كلوا مش فارق معايا
سالم بارتباك شديد
: مقصدش يا خال اللي وصلك انا بحاول اخليها تفوق من اللي هي فيه عشان متتعبش اكتر و أنت سمعت بنفسك و نوح بيقول ان كلها ايام و يمـ.. وت صالح بزعيق
: تفوق ازاي و ابنها مفتوح بطنه و يا عالم هيعيش و لا يواجه وجه كريم
امشي يا سالم و بطل كلام يوجع بنتي مش متحمله اي كلمه كفايه الحاله اللي هي فيها غفران بصوت مبحوح و انهيار
: لا ابني يا نوح يوسف بيـ.. موت اعمل حاجه اتصرف يا بابا و رجعلي ابني ابوس ايدك
صالح الدمو اتجمعت في عينيه ، و اتكلم بصوت حزين
: هعمل كل اللي في ايديا و هجبلك متبرع و الباقي على ربنا
